Завершаем наш вечер о Дне учителя рассказом о династии Сабировых.

Завершаем наш вечер о Дне учителя рассказом о династии Сабировых.

Әлдермеш авылында гомер кичереп, 30 ел балаларга белем һәм тәрбия бирүдә армый хезмәт итүче- Сабировларның педагогик юлы 1994 нче елдан башлана. Тәлгать Сәлихҗан улы тормыш иминлеге нигезлере һәм физик тәрбия дәресләрен укыта, 2023 нче елдан башлап Дөбьяз мәктәбенең директоры. Аның тормыш иптәше - Гөлназ Мансур кызы Әлдермеш мәктәбендә биология укытучысы, шулай ук 1998-2009 нчы елларда -тәрбия эшләре буенча, 2009 елдан башлап бүгенге көнгә кадәр укыту эшләре буенча - 26 ел директор урынбары вазыйфасын башкара.

Икесе дә районыбызның тәҗрибәле, югары квалификациягә ия, төрле профессиональ бәйгеләрнең актив катнашучылары “Авыл укытучысы” бәйгесе җиңүчеләре.

Сабировлар сәламәт яшәү рәвеше алып барулары белән дә күпләргә үрнәк. Республика күләмендә шашка, шахмат, тау чаңгысы, хоккей ярышларында гаилә башлыгына бирелгән мактау кәгазьләре, медаль, кубоклар саны бихисап.

Гаиләдә кечкенәдән әти-әниләренең һөнәренә хөрмәт белән карап, династиясенең дәвамчылары - 3 бала тәрбияләнеп үсте.

-2017 нче елны әтисе Әлдермеш мәктәбендә эшен башлап җибәрә.

-2021нче елдан Биектауның 1 нче номерлы мәктәбендә Илүзә математика фәне буенча яшь белгеч булып эшли, 2022нче елны ук “Ел укытучысы” бәйсенең призёры.

Инзиләләре КФУда 3 нче курсында инглиз телен үзләштерә.

Сабировлар гаиләсенең эш стажы 500 елдан артып китә.

Тәлгать белән Гөлназ Сабировлар династиясенең киләчәге бар, бүгенге көндә 3 оныклары үсеп килә, Аларның уңышка ирешү сере - яшь буынга остаз була белүләре, уртак фикерләре, планнары туры килүе, дус- тату яшәп, туганнары белән еш аралашулары, тәҗрибә уртаклаша белүләрендәдер.